fréttir af litlu hópum á Tröllaborg.

Heil og sæl.

Það er allt gott að frétta af litlu hópunum hér á Tröllaborg.

Vikan byrjaði á afmælisveislu. Þá var afmælissöngurinn sunginn og einnig var farið í leiki. Einnig fær það barn sem á afmæli ákveðinn disk og glas sem það velur sér í tilefni dagsins.

Á þriðjudeginum var aðeins byrjað á jólagjöf frá börnunum til foreldra. Við tökum okkur góðan tíma í það verkefni.

Á miðvikudagsmorgni var ákveðið að vera inni því frostið fór uppí 10 gráður. En betra eftir hádegi og þá var farið út.

Myndlistin er alltaf fastur liður allavega einu sinni í viku. Í þetta skiptið voru stelpurnar að mála jólapappírinn utan um gjöfina.

Á fimmtudaginn höfðum við frjálsan leik og hann er alltaf jafn skemmtilegur og aldrei eins.

Á föstudagsmorgni höfðum við fagnaðarfund inni á deild. Sungum nokkur lög og fórum í leiki. Byrjuðum meira að segja á 2 jólalögum sem vakti mikla gleði.

Í lok dagins höfðum við svo ávaxtastundina okkar og hlustuðum á lög og sungum.

Takk fyrir vikuna og hafið það gott um helgina.

Kærar kveðjur Guðfinna og Laura.