news

Agalota í byrjun skólaárs

14 Ágú 2019

Í byrjun skólaárs er unnið með virðingu, hegðun, kurteisi, framkomu.

Reglur eru í hávegum hafðar í skólastarfinu, röð, regla og rútína í fyrirrúmi á öllum sviðum. Skipulagt umhverfi alls staðar, allir hlutir merktir, umferðarreglur merktar og sýnilegt og áþreifanlegt hvernig allt á að vera. Úthugsuð dagskrá og einfaldleiki í öllu skipulagi er jafnmikilvægt og umhverfisskipulagið.

Í starfinu inni á deildum er áherslan á skarpa nemendastjórnun með nákvæmri eftirfylgd og hegðunarreglum sem börnin taka þátt í að móta, kynna og endurskoða.

Þjálfun í kurteisi og mannasiðum, æfing í að heilsast og kveðjast, borðsiðir og umgengni um fataklefa eru raunveruleikatengd verkefni í þessari lotu.

Framkomuhæfni í kynjablöndun þarf að æfa sérstaklega.

Munum að æfa okkur líka því árangur barnanna ræðst af þeim aga sem við náum að sýna, til dæmis varðandi frágang, kyrrlátar raðir milli staða, stundvísi og fleira.